Mavraj është shokuar nga humbja

Mbrojtësi i kombëtares shqiptare, Mërgim Mavraj, ka deklaruar se humbja ndaj Serbisë është shokuese, por tani lojtarëve i duhet mbështetje më e madhe se ndonjëherë më parë.

Mavraj nuk u paraqit në këtë takim për shkak se ishte i lënduar.

“Unë besoj që ashtu siç kemi pasur fatin kundra në dy ndeshjet e fundit, ashtu do të na buzëqeshë në Armeni. Shpresa jonë nuk vdes kurrë prandaj duhet të vazhdojmë të besojmë tek heronjtë tanë. Ata ishin të tillë dy orë më parë dhe duhet të vazhdojnë të jenë të tillë edhe pas kësaj disfate! Humbje që dhemb thellë në shpirt, por dhimbja duhet kthyer në forcë dhe ta realizojmë ëndrrën e madhe”, ka shkruar Mavraj në Facebook.

“Përgjithmonë me ty Shqipëri, je më e mira”, ka shkruar ai në fund.

http://koha.net/?id=6&l=78569