Valencia ia vë çmimin Mustafit

Skuadra e Valencias nuk do ta lirojë mbrojtësin shqiptar Shkodran Mustafi nëse skuadra që dëshiron ta marrë nuk i paguan 50 milionë euro, raporton “Mundo Deportivo”.

Interesim për mbrojtësin e Përfaqësueses së Gjermanisë kanë shprehur Barcelona, Bayern Muenchen dhe Real Madrid.

Mustafi 23-vjeçar te Valencia u transferua në verën e vitit të kaluar nga skuadra e Sampdorias për 8 milionë euro.

Por, pas paraqitjeve të mira edicionin e kaluar dhe këtë edicion, vlera e Mustafit është rritur dukshëm.

Ai me Valencian ka kontratë deri në qershor të vitit 2019. Mustafi është reprezentues i rregullt i Gjermanisë, me të cilën vitin e kaluar fitoi Kupën e Botës.

http://koha.net/?id=6&l=78044