Xhemaili i lumtur me golin ndaj Milanit

Blerim Xhemaili ishte njeriu kryesor i Genoas në fitoren 1-0 ndaj Milanit, falë një goli të bukur nga gjuajtja e lirë.
Mesfushori shqiptar i Përfaqësueses së Zvicrës, ka treguar formë të lartë pas rikthimit në Serie A pas aventurës së tij në Turqi te Galatasaray.

Në një prononcim për mediat italiane, Xhemaili është shprehur i lumtur me golin dhe fitoren ndaj Milanit.

“Jam i lumtur për golin e shënuar të dielën e kaluar, por më e rëndësishme është të vazhdojmë të rritemi, sepse ende na duhet edhe pak kohë”, tha Xhemajli për ‘Sky Sports’.

“Më pëlqen të luajë në mesfsuhë, të kem më shumë kontakte me topin, por gjëja më me interes se sa paraqitjet e mija janë fitoret e skuadrës. Tani po mendojmë për Udinesen, e cila është shumë e rëndësishme për ne”, shtoi ai. /Telegrafi/