Kurban Bajrami në Gjilan falet edhe në rrugë

Gjilan – Në komunat e Anamoravës për shkak të numrit të madh të besimtarëve falja e Kurban Bajramit është bërë edhe nëpër rrugë. Në qendër të Gjilanit tek xhamia e madhe falja është kryer edhe në rrugë. Sulejman Osmani kryetar i BIKU-ut ka bërë apel që për këtë ditë të madhe të mbizotërojë paqja, dashuria e solidariteti.

I madh e i vogël ishin drejtuar kah xhamitë e qytetit, por edhe në fshatra Kremtja e Bajramit ka detyruar shumë besimtar që faljen ta bëjnë edhe nëpër rrugë. Kjo nuk ka qenë pengesë aspak që ata lutjet e tyre dhe faljen ta bëjnë edhe në asfalt.

Kreu i BIKU-ut në Gjilan Sulejman Osmani ka thënë se në këtë ditë të veçantë duhet të mbizotërojë paqja, dashuria, respekti, ana humane. “Duajeni fenë islame sepse parimet e saja janë të shëndosha, janë vlera që ua ka lakmi e tërë bota. Ka ekstremizëm kudo dhe nga të gjitha palët, por vullneti i islamit është për paqe e humanizëm”.

Besimtarët edhe në Viti e Kamenicë janë falur nëpër të gjitha xhamitë duke përfshirë këtu edhe nëpër rrugë për shkak të numrit të madh të besimtarëve./rajonipress/