Arbër Ismajli nuk e tradhton Lutën, vazhdon punën si shef i kabinetit

Gjilan – Arbër Ismajli ka vendosur përfundimisht që të kthehet tek kabineti i Lutfi Hazirit. Sipas burimeve tona shumë të besueshme tashmë Arbër Ismajli pritet t`ia nisë punës krah për krah me Lutfi Hazirin.

Ishte përfolur mjaft gjatë se Arbër Ismajli shef i kabinetit të Lutfi Hazirit nuk do të kthehet fare në punë. Madje ka një kohë të gjatë që vet Arbëri kishte dilema e reflektime se çfarë do të ndodhte me pozitën e tij.

Por së fundit Arbër Ismajli ka vendosur që përfundimisht të kthehet në pozitën e shefit të kabinetit. Burimet tona shumë të besueshme thanë se Arbër Ismajli ka vendosur që të kthehet në punë dhe të punojë krah për krah me Hazirin. “Arbëri nuk e tradhton bukën e moçme dhe njerëzit e miqtë e tij të vjetër. Ne kemi besuar tërë kohën se Arbëri si një njeri që ka dhënë shumë kontribut në LDK dhe në vet komunën e Gjilanit do të kthehet në pozitën e mëparshme” tha burimi për rajonipress.

Ndryshe Arbër Ismajli nuk ka pasur qasje derisa burimet tona thonë se ai vetëm formalisht pritet të takohet gjatë ditës me Lutfi Hazirin për t`ia konfirmuar gatishmërinë e tij./rajonipress/