UBT - Regjistrohu

Nina Kqiku triumfon në Vjenë, fiton çmimin e tretë dhe titullin “Laureate of IPBC Vienna 2026”

Nina Kqiku triumfon në Vjenë, fiton çmimin e tretë dhe titullin “Laureate of IPBC Vienna 2026”

Gjilan – Talentja e re muzikore nga Gjilani, Nina Kqiku, ka shënuar një sukses të rëndësishëm në skenën ndërkombëtare të muzikës klasike, duke u vlerësuar në garën prestigjioze Balkan International Piano Competition – Vienna 2026. Nxënësja e klasës së pianos, nën udhëheqjen e profesoreshës Hajrije V. Bislimi, ka fituar Çmimin e Tretë në kategorinë e saj të moshës, si dhe titullin e veçantë “Laureate of IPBC Vienna 2026”.

Ky rezultat merr rëndësi të veçantë duke pasur parasysh konkurrencën ndërkombëtare, ku morën pjesë pianistë të rinj nga 28 vende të ndryshme të botës. Nina arriti të dëshmojë nivelin e saj interpretues, përgatitjen artistike dhe përkushtimin ndaj muzikës, duke u renditur në mesin e pjesëmarrësve të vlerësuar në këtë garë.

Momenti kulmor i këtij suksesi ishte Gala Finalja, e mbajtur më 20 nëntor 2026 në Mozarthaus në Vjenë, një hapësirë me rëndësi të veçantë për trashëgiminë muzikore botërore. Pikërisht në këtë skenë, Nina u nderua me titullin “Laureate of IPBC Vienna 2026”, një vlerësim që i shtohet Çmimit të Tretë të fituar në kategorinë e saj.

Ecohigjiena

Ky sukses është rezultat i një pune të vazhdueshme, ushtrimeve sistematike dhe përkushtimit artistik, por edhe i bashkëpunimit ndërmjet nxënëses dhe profesoreshës së saj. Roli i profesoreshës Hajrije V. Bislimi në përgatitjen dhe zhvillimin muzikor të Ninës përbën një pjesë të rëndësishme të këtij rrugëtimi drejt skenës ndërkombëtare.

Shkolla e Muzikës në Gjilan, përmes një njoftimi publik, ka shprehur krenarinë për këtë arritje, duke vlerësuar përfaqësimin dinjitoz të nxënëses dhe kontributin e profesoreshës së saj.

Arritja e Ninës përfaqëson më shumë sesa një çmim në një garë ndërkombëtare. Ajo është dëshmi e potencialit artistik që kultivohet në institucionet arsimore të Gjilanit dhe e mundësisë që talentet e reja, përmes punës, disiplinës dhe përkushtimit, të depërtojnë në skena prestigjioze evropiane.

Gjilani tashmë ka edhe një arsye më shumë për të qenë krenar me gjeneratën e re të artistëve, të cilët përmes talentit dhe suksesit po e bëjnë të dëgjueshëm emrin e qytetit përtej kufijve të Kosovës.

Urime Nina Kqikut dhe profesoreshës Hajrije V. Bislimi për këtë sukses dhe përfaqësim të Gjilanit në Vjenë!/rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.