RP

Pesë persona ndalohen nga Prokuroria në Gjilan, tre dyshohen për sulm seksual – ngrihen edhe nëntë aktakuza

Pesë persona ndalohen nga Prokuroria në Gjilan, tre dyshohen për sulm seksual – ngrihen edhe nëntë aktakuza

Gjilan – Prokuroria Themelore në Gjilan ka ndërmarrë një sërë veprimesh hetimore dhe procedurale gjatë ditës së martë, më 17 nëntor 2026, ku pesë persona janë ndaluar nën dyshimin për përfshirje në vepra të ndryshme penale, ndërsa ndaj nëntë personave të tjerë janë ngritur aktakuza.

Sipas njoftimit të Prokurorisë, në tri raste të ndara, me urdhër të prokurorit kujdestar, janë ndaluar tre persona të dyshuar për veprën penale “Sulmi seksual”, sipas nenit 229 të Kodit Penal të Kosovës, si dhe dy persona të dyshuar për veprën penale “Dhuna në familje”, sipas nenit 248 të këtij Kodi.

Ndërkohë, Prokuroria ka bërë të ditur se ka paraqitur edhe një kërkesë për caktimin e masës së paraburgimit ndaj tre personave të dyshuar për sulm seksual.

Ecohigjiena

Nëntë aktakuza për vepra të ndryshme penale
Përveç ndalimeve, Prokuroria Themelore në Gjilan ka ngritur nëntë aktakuza kundër nëntë personave për vepra të ndryshme penale.

Sipas njoftimit zyrtar, aktakuzat përfshijnë:

Dy persona për veprën penale “Mashtrimi”.

Dy persona për veprën penale “Mbajtja në pronësi, kontroll ose posedim të paautorizuar të armëve”.

Një person për veprën penale “Vjedhja e rëndë”.

Një person për veprën penale “Dhuna në familje”.

Një person për veprën penale “Lajmërimi apo kallëzimi i rremë”.

Një person për veprën penale “Posedimi i paautorizuar i narkotikëve, substancave psikotrope ose analoge”.

Një person për veprën penale “Sulmi”.

Me këto veprime, Prokuroria Themelore në Gjilan ka bërë të ditur angazhimin e saj në trajtimin e rasteve penale dhe ndjekjen e personave të dyshuar për vepra të ndryshme kundërligjore.

Të gjithë personat e përfshirë në këto raste prezumohen të pafajshëm deri në vërtetimin e fajësisë së tyre me vendim të formës së prerë nga gjykata./rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.