Mobicasa

“Më ka vrarë shpirtërisht mua dhe ushtarët e UÇK-së” – Ahmeti për Kurtin: Doli në krah të Mickoskit

“Më ka vrarë shpirtërisht mua dhe ushtarët e UÇK-së” – Ahmeti për Kurtin: Doli në krah të Mickoskit

Ali Ahmeti ka shpërthyer në kritika të ashpra ndaj kryeministrit të Kosovës, Albin Kurti, për deklaratën e këtij të fundit se gjuha shqipe nuk ka qenë kurrë gjuhë zyrtare në Maqedoninë e Veriut.

Ahmeti është shprehur thellësisht i lënduar nga kjo deklaratë, duke akuzuar Kurtin se ka dalë në krah të kryeministrit maqedonas, Hristijan Mickoski.

Sipas tij, deklarata e Kurtit nuk e ka lënduar vetëm atë personalisht, por edhe mijëra ish-ushtarë të Ushtrisë Çlirimtare Kombëtare.

UBT - Kosove

“Goxha keq kryeministri juaj më ka goditë në shpirt. Po pse më goditi aq shumë në shpirt?”, ka deklaruar Ahmeti.

Për të shpjeguar revoltën e tij, Ahmeti ka kujtuar nënën e dëshmorit Afrim Kalanica, të cilën e kishte parë pranë varrit të të birit në Sllupçan.

Ai ka lidhur sakrificën e të rënëve me deklaratën e Kurtit për statusin e gjuhës shqipe.

“Kur nëna e Afrim Kalanicës m’u kujtua ulë te varri që është tek dëshmorët e Sllupçanit. Afrim Kalani… asnjë nënë që janë vra këtu djem që kanë derdhë gjak, nuk i kanë marrë andej, të gjithë i kanë pranë shokëve të vet, këtu. Dhe lotët i binin te guri i varrit. Për çka u vra Afrim Kalanica? A me dalë kryeministri juaj me thënë që gjuha shqipe kurrë s’ka qenë zyrtare? Turp!”, ka thënë ai.

Ahmeti ka shkuar edhe më tej, duke e akuzuar Kurtin se me deklaratën e tij i ka shërbyer qëndrimit të kryeministrit maqedonas, Hristijan Mickoski.

“Del krah Kristijan Mickovskit dhe thotë: gjuha shqipe kurrë s’ka qenë zyrtare. Tri herë kam kërkuar publikisht të prononcohet: a është keq i informuar prej… informacionet dhe informatorët që i ka, apo shqiptarët që i ka? Nuk e ka bërë.”

Ai ka kritikuar Kurtin edhe për mungesën e një sqarimi, pavarësisht kërkesave të tij publike.

Sipas Ahmetit, deklarata e kryeministrit Kurti është shfrytëzuar për një muaj në ekranet televizive në Maqedoninë e Veriut.

“Krah Kristijan Mickovskit dhe del… Një muaj ditë, nuk e kanë hequr nga ekranet televizive: „Ja deklarata e kryeministrit të Kosovës: gjuha shqipe kurrë s’ka qenë zyrtare në Maqedoni.”

Në fund, Ahmeti ka përsëritur se deklarata e Kurtit ka shkaktuar lëndim të thellë te ish-pjesëtarët e Ushtrisë Çlirimtare Kombëtare.

“Kjo më ka vrarë shpirtërisht. Kjo ka vrarë shpirtërisht çdo ushtar të Ushtrisë Çlirimtare Kombëtare, edhe pjesëtarët që i ka në Kosovë; mbi tre mijë ushtarë ka UÇK-ja në Kosovë, Ushtria Çlirimtare Kombëtare.”

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.