Albion Rrahmani drejt largimit nga Venezia, vetëm pak muaj pas transferimit
Sulmuesi kosovar, Albion Rrahmani, mund të largohet nga Venezia vetëm disa muaj pas transferimit në klubin italian, në korrik të vitit 2026.
Sipas raportimeve, 26-vjeçari është njëri nga futbollistët që po shqyrtohen për largim, pasi deri më tani nuk ka arritur të shënojë gol me fanellën e skuadrës italiane, shkruan Indeksonline
Megjithatë, Rrahmani ka pasur shumë pak hapësirë për të dëshmuar veten. Ai ka regjistruar vetëm 130 minuta lojë në tetë paraqitje, shifër kjo që ngre pikëpyetje nëse sulmuesit kosovar i është dhënë koha e mjaftueshme për t’u përshtatur dhe për të treguar cilësitë e tij.

