UBT - Regjistrohu

Shuplakë e rëndë për Kosovën në Dublin, Irlanda triumfon dhe ia merr vendin e dytë

Shuplakë e rëndë për Kosovën në Dublin, Irlanda triumfon dhe ia merr vendin e dytë

Kombëtarja e Kosovës e ka pësuar një humbje të rëndë dhe dëshpëruese në Dublin ndaj Irlandës, në ndeshjen e vlefshme për Ligën B të Ligës së Kombeve.

“Dardanët” janë mposhtur me rezultat të pastër prej 3-0 në “Aviva Stadium”, duke luajtur më shumë se një orë me një lojtar më pak në fushë.

Kjo pasi Kreshnik Hajrizi u ndëshkua me karton të kuq, në minutën e 27-të, dhe pas asaj nisën momentet e këqija për Kosovën.

UBT KOSOVE

Një minutë më vonë, nga pika e bardhë e penalltisë, pas veprimit të Hajrizit, shënoi Troy Parrott.

Pas përfundimit të pjesës së parë me shifrat prej 1-0, Parrott e gjeti edhe golin e dytë – sërish nga penalltia.

Ai shënoi në minutën e 50-të për 2-0 dhe dukej që atëherë i shoi shpresat e Kosovës për rezultat pozitiv.

Goditjen e fundit Kosovës ia dha Jack Moylan, në minutën e 75-të, kur shënoi për 3-0.

Pas këtij rezultati, Kosova e ka humbur pozitën e dytë në grupin B3 të Ligës së Kombeve.

Kombëtarja dardane përfundoi e treta me gjashtë pikë nga gjashtë ndeshje, duke mbetur në Ligën B.

Kështu, Kosova ka humbur edhe “play-offin” për Ligën A, dhe vendin në vazon e dytë për shortin e kualifikimeve të rregullta të EURO 2028-ës./GazetaExpress/

POZICIONET PËRFUNDIMTARE TË GRUPIT B3:

Austria – 11 pikë

Irlanda – 8 pikë

Kosova – 6 pikë

Izraeli 4 pikë

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.