Dhunë në familje në Viti, një person arrestohet dhe dërgohet në mbajtje
Viti – Një rast i dhunës në familje është raportuar në Viti, ku një mashkull kosovar ka kërkuar trajtim mjekësor në Qendrën Kryesore të Mjekësisë Familjare (QKMF), pasi dyshohet se ishte lënduar nga një person tjetër.
Sipas raportit të Policisë, i dyshuari, po ashtu mashkull kosovar, është arrestuar, ndërsa gjatë veprimeve policore është konfiskuar edhe një mjet që dyshohet se ishte përdorur në rast.
Pas intervistimit dhe me vendim të prokurorit, i dyshuari është dërguar në mbajtje, ndërsa viktima është përcjellë për trajtim të mëtejshëm mjekësor.
Policia nuk ka dhënë detaje të tjera lidhur me rrethanat e rastit./rajonipress/

