Prokuroria në Gjilan ndalon dy persona dhe ngre tri aktakuza

Gjilan – Prokuroria Themelore në Gjilan ka ndaluar dy persona të dyshuar për vepra të ndryshme penale, ndërsa ndaj tre personave të tjerë ka ngritur aktakuza për tri vepra penale.

Sipas njoftimit të Prokurorisë, më 2 nëntor 2026, me urdhër të prokurorit kujdestar, janë ndaluar dy persona. Njëri dyshohet për veprën penale të mashtrimit, ndërsa personi tjetër, i mitur, për veprën penale të kanosjes.

Po ashtu, gjatë së njëjtës ditë, Prokuroria Themelore në Gjilan ka ngritur tri aktakuza ndaj tre personave për vepra të ndryshme penale.

Një aktakuzë është ngritur për rrezikim të trafikut publik, një për vjedhje pylli dhe një tjetër për heqjen apo dëmtimin e vulave zyrtare ose të shenjave.

Rastet janë trajtuar nga Prokuroria Themelore në Gjilan në kuadër të veprimeve të saj për ndjekjen e veprave penale./rajonipress/