Kanosje në Kamenicë: Arrestohet një person, gjatë kontrollit në shtëpinë e tij konfiskohet përkohësisht arma e zjarrit

Kamenicë – Një person është arrestuar në Kamenicë nën dyshimin për kanosje ndaj një personi tjetër, ndërsa gjatë një kontrolli në shtëpinë e të dyshuarit policia ka gjetur dhe konfiskuar përkohësisht një armë zjarri.

Sipas raportit të Policisë së Kosovës, rasti i kanosjes është raportuar më 16 qershor 2026, ndërsa më 2 nëntor 2026, në orën 12:35, është arrestuar i dyshuari, mashkull kosovar.

Në kuadër të hetimeve për këtë rast, më 2 nëntor është zbatuar edhe urdhri për kontroll në shtëpinë e të dyshuarit. Gjatë kontrollit është gjetur dhe konfiskuar përkohësisht një armë zjarri, për të cilën raportohet se posedonte leje valide.

Lidhur me rastin është njoftuar prokurori kompetent.

Pas intervistimit në polici, me vendim të prokurorit, i dyshuari është dërguar në mbajtje.

Rasti po trajtohet nga organet kompetente, ndërsa hetimet do të vazhdojnë për sqarimin e plotë të rrethanave.

I dyshuari prezumohet i pafajshëm derisa fajësia e tij të dëshmohet me vendim përfundimtar gjyqësor./rajonipress/