Ish-komandanti i FSK-së: E humbëm rastin historik

Ish-komandanti i FSK-së, Kadri Kastrati, ka thënë se Kosova ka humbur rastin historik që në legjislaturën e kaluar nuk mundi ta përmbyllte transformimin e FSK-së në FAK.

Ai ka thënë për ‘Epokën e re’ se ndryshimet kushtetuese janë të domosdoshme për transformimin e Forcës së Sigurisë së Kosovës në Forca të Armatosura.

Ai ka bërë me dije se me ndryshimin e Ligjit për FSK-në mund të bëhet vetëm fuqizimi i kësaj force në disa aspekte, por jo t’i ndërrohet edhe misioni.

Kastrati ka shprehur pesimizëm se transformimi i FSK-së mund të bëhet në këtë legjislaturë për faktin se, sipas tij, Kosova e ka humbur rastin historik që në legjislaturën e kaluar ta përmbyllte këtë proces.

“Partitë politike duhet të ulen e të bëjnë një kompromis për të kaluar këto ndryshime kushtetuese në Kuvendin e Kosovës”, ka thënë Kastrati.

Ai ka sugjeruar që Kosova të mos humbas kohë, por FSK të ecë papara me avancimi e pajisjeve, armatimit dhe trajnimeve të tjera derisa të ndodhë transformimi i paraparë. /Telegrafi/