Aida Dërguti: Kryeministri i vërtetë i Qeverisë është Hashim Thaçi

Nënkryetarja e Lëvizjes Vetëvendosje, Aida Dërguti, në emisionin Info Magazine në Klan Kosova, ka shpjeguar pse subjekti i saj ka reaguar ashpër në seancën e sotme të Kuvendit të Kosovës.

“Në vitin 2012, ishte pikërisht z. Mustafa ai që thoshte se për marrëveshjet me Serbinë do të duhej të vendosej me referendum, por tash nuk ndodhi kështu – ai ka nënshkruar një marrëveshje të dëmshme për Kosovën. Në kryesi u vendos që Kryeministri të vinte në Kuvend dhe të raportojë, që ta dëgjojmë, ta pyesim, por në momentin e fundit ai tërhiqet me një arsyetim banal. Ai tërheqjen e arsyetoi me mungesën e Thaçit dhe kjo tregon se kush është kryeministri i vërtetë i kësaj Qeverie”, ka thënë ajo.