Përgjigjet LDK: Sukseset e sportit flasin më mirë

Gjilan – Qytetarët e Gjilanit, i sigurojmë se me sinqeritetin dhe ligjshmërinë më të lartë do menaxhojmë ç`do fond si dhe pasuri të komunës tonë, dhe njëherit i njoftojmë se e gjithë tendenca e “poezive pa rimë” të PDK-së, ka të bëjë me qëllimet e tyre të liga që akoma s`po arrijnë të kuptojnë se janë të dënuar nga qytetarët për dëmet milionëshe që ja shkaktuan komunës tonë thuhet në reagimin e LDK-së.

Në vend të reagimit ndaj komunikatës së degës së PDK-së. Gjilani po arrin me shumë sukses të mbajë primatin e qytetit të sportit dhe falë politikave të shëndosha që po zbatohen në përkrahje të pakushtëzuara ndaj sportistëve, sot klubet e Komunës së Gjilanit më shumë se asnjë herë më parë po identifikohen si klube të mirë organizuara dhe falë kësaj politike ata po ngrisin rezultate kulminante në ç`do garë ku zhvillojnë aktivitetet e tyre.

Ne dhe qytetarët e Gjilanit e dimë se ishte një kohë kur shuheshin klubet dhe kur bëheshin politika selektive ndaj sportistëve e që fatmirësisht ato ditë perënduan dhe sot klubet tona jo që nuk po shuhen por përkundër po arrijnë të ngrisin histori suksesesh e që ndoshta kjo i pengon disave që janë me “vaj në buzë”.

Sot të rinjtë dhe sportistët tanë kanë qasje të pakushtëzuara në ç`do hapësirë që u dedikohet atyre ndërsa duke qenë të angazhuar sinqerisht që si në sport edhe në ç`do fushë tjetër të kemi rend dhe organizim të mirëfilltë, ne kemi arritur t`ju krijojmë mundësi të barabarta shfrytëzimi të hapësirave dedikuar sportit, ç`do klubi të komunës tonë.

Falë përkrahjes së sinqertë që Kryetari Lutfi Haziri, po ju kushton klubeve, sot thuajse të gjitha klubet e komunës tonë me shumë sukses po na përfaqësojnë dhe po mbajnë rang kampionësh në ligat ku garojnë.

Nëse ju jeni shkëputur nga rrjedhat e zhvillimeve dhe nuk arrini të shihni sukseset është problem i juaji, por s`paku tregoni respekt ndaj vlerave dhe gëzohuni për sukseset që po ngriten dhe largoni duart e mos luani me djersën e sportistëve.

Qytetarët e Gjilanit, i sigurojmë se me sinqeritetin dhe ligjshmërinë më të lartë do menaxhojmë ç`do fond si dhe pasuri të komunës tonë, dhe njëherit i njoftojmë se e gjithë tendenca e “poezive pa rimë” të PDK-së, ka të bëjë me qëllimet e tyre të liga që akoma s`po arrijnë të kuptojnë se janë të dënuar nga qytetarët për dëmet milionëshe që ja shkaktuan komunës tonë thuhet në reagimin e LDK-së./rajonipress/