Rrahim Bajrami, zëri këmbëngulës i Zhegrës për drejtësi dhe kujtesë, një jetë në shërbim të arsimit dhe ligjshmërisë

Gjilan – Në mesin e zërave që nuk janë shuar kurrë pas luftës së vitit 1999 në Kosovë, është edhe ai i Rrahim Bajrami, një figurë e njohur në Zhegër të Gjilanit, i përkushtuar në ruajtjen e kujtesës dhe kërkimin e drejtësisë për krimet e kryera gjatë luftës. Në një kohë kur arsimi kërkon më shumë se kurrë përkushtim, integritet dhe vizion, emri i Rrahim Bajrami përfaqëson një brez profesionistësh që e ndërtuan këtë sektor me punë të palodhur dhe përgjegjësi të lartë institucionale.

Për dekada me radhë, ai nuk ishte thjesht pjesë e sistemit arsimor, por një nga shtyllat që kontribuoi në forcimin e tij, fillimisht si mësimdhënës dhe më pas si inspektor i arsimit, duke lënë gjurmë të qëndrueshme në cilësi dhe ligjshmëri.

Dalja e tij në pension më 1 shkurt 2019, në moshën 65-vjeçare, nuk shënon vetëm fundin e një karriere të gjatë, por përmbylljen e një kapitulli të rëndësishëm në shërbim të arsimit në Gjilan dhe më gjerë.

Rrahim Bajrami ndryshe është një nga personat më aktivë në mbledhjen dhe dokumentimin e dëshmive për ngjarjet tragjike që përjetoi ky fshat gjatë konfliktit. Në kuadër të përpjekjeve lokale, ai ka qenë pjesë e angazhimeve për evidentimin e dëmeve materiale dhe njerëzore, duke kontribuar në ndërtimin e asaj që njihet si “Dosja e Zhegrës”, një përmbledhje faktesh, dëshmish dhe provash për krimet e kryera ndaj popullatës civile shqiptare.

Në deklarimet e tij publike ndër vite, Bajrami ka shprehur hapur shqetësimin për mungesën e veprimeve konkrete nga institucionet e drejtësisë. Ai ka theksuar se, pavarësisht ekzistimit të dëshmive dhe materialeve të mbledhura, shumë nga rastet e dokumentuara nuk kanë marrë trajtimin e merituar ligjor.

Përtej angazhimit të tij në këtë drejtim, Bajrami është edhe igurë e lidhur me sektorin e arsimit.

Megjithatë, ajo që mbetet e pakontestueshme është roli i tij si një dëshmitar i kohës dhe një zë këmbëngulës që kërkon drejtësi për të kaluarën. Në një realitet ku shumë histori rrezikojnë të harrohen, angazhimi i njerëzve si Rrahim Bajrami mbetet thelbësor për të mbajtur gjallë kujtesën kolektive dhe për të kërkuar përgjegjësi.

Rrahim Bajrami, një jetë në shërbim të arsimit dhe ligjshmërisë

Pas një karriere të gjatë dhe të përkushtuar në arsim, Rrahim Bajrami ka përmbyllur rrugëtimin e tij profesional, duke dalë në pension më 1 shkurt 2019, në moshën 65-vjeçare.

I njohur si mësimdhënës dhe më pas si inspektor i arsimit, Bajrami ka dhënë kontribut të vazhdueshëm në ngritjen e cilësisë në arsim dhe në zbatimin e ligjshmërisë në institucionet shkollore.

Gjatë viteve të punës së tij, ai ka bashkëpunuar ngushtë me nxënës, mësimdhënës, drejtues shkollash dhe drejtoritë komunale të arsimit në Gjilan, Viti, Kamenicë dhe Artanë.

Me rastin e pensionimit, Bajrami ka shprehur mirënjohje për të gjithë bashkëpunëtorët ndër vite, duke theksuar se angazhimi i përbashkët ka pasur një qëllim të vetëm: avancimin e mësimdhënies dhe të nxënit sipas standardeve bashkëkohore.

Puna dhe përkushtimi i tij janë vlerësuar edhe institucionalisht. Ai është nderuar me mirënjohje nga ShMU Agim Ramadani si dhe nga Drejtoria e Arsimit në Gjilan, në shenjë respekti për kontributin e dhënë ndër vite.

Dalja në pension e Rrahim Bajramit shënon fundin e një kapitulli të rëndësishëm profesional, por njëkohësisht mbetet një shembull i përkushtimit dhe përgjegjësisë në shërbim të arsimit dhe shoqërisë./rajonipress/