Ismet Maliqi, modeli i njeriut të drejtë dhe shërbëtorit të ndershëm publik

Gjilan – Ismet Maliqi mbetet një nga ata njerëz të veçantë që nuk imponohen me zë të lartë, por lënë gjurmë të thella me punë, karakter dhe integritet. Në rrethin ku jetoi dhe punoi, ai u dallua si njeri i thjeshtë, punëtor dhe serioz, një intelektual i formuar që e kuptonte përgjegjësinë publike si mision dhe jo si privilegj.

Në historinë e çdo qyteti ka emra që nuk bëjnë zhurmë, por ndërtojnë themele. Ismet Maliqi ishte pikërisht një prej tyre, njeri i parimeve, i punës së ndershme dhe i shërbimit publik pa kompromis, që me veprën dhe karakterin e tij u shndërrua në model për rrethin ku jetoi dhe punoi.

Ka njerëz që jetojnë thjeshtë, por lënë pas një trashëgimi të madhe. Ismet Maliqi ishte një prej atyre figurave të rralla që me qetësinë, drejtësinë dhe përkushtimin e tij i dha kuptim shërbimit publik dhe nderit njerëzor.

Ismet Maliqi ishte një emër që nuk kërkoi kurrë privilegj, por dha shembull. Në çdo funksion dhe rrethanë, ai dëshmoi se ndershmëria, profesionalizmi dhe dashuria për vendin janë vlera që ndërtojnë institucione dhe ruajnë dinjitetin shoqëror.

Ismeti ishte përfaqësues tipik i njeriut të Kosovës që jetën e ndërtoi mbi parime të qarta: ndershmëri, drejtësi dhe ligjshmëri. I hapur dhe i drejtpërdrejtë në komunikim, ai nuk i shmangej të vërtetës dhe as përgjegjësisë. Ishte i drejtë në vendimmarrje dhe i palëkundur në respektimin e ligjit, duke e konsideruar drejtësinë si themelin e çdo shoqërie të shëndoshë.

Ai e donte rritën dhe suksesin e secilit njeri, njësoj si të familjes dhe fëmijëve të tij. Ishte njeri që gëzohej sinqerisht me arritjet e të tjerëve dhe që besonte se përparimi individual është pjesë e pandashme e përparimit shoqëror. Liria për të ishte vlerë absolute, ndërsa zhvillimi i Kosovës dhe i mbarë Shqiptarisë ishte ideal që e udhëhiqte në çdo hap të jetës publike.

Ismet Maliqi ishte shpirt i ndjeshëm ndaj padrejtësive, aq sa kjo ndjeshmëri shpesh shndërrohej në shqetësim të thellë personal. Ai nuk pajtohej me kompromiset morale dhe nuk i pranonte padrejtësitë si realitet të pashmangshëm. Donte që jeta të jetohej me punë të ndershme, me dinjitet dhe me drejtësi, dhe që të përfundonte po ashtu, i pastër në ndërgjegje dhe i qetë përpara vetes dhe shoqërisë. Dhe, Ismeti plotësisht ia doli.

Kontributi i tij institucional është vlerësuar jashtëzakonisht lartë, veçanërisht gjatë mandatit të tij si drejtor për Buxhet dhe Financa në Komunën e Gjilanit, ku ai dha një rol të rëndësishëm në ndërtimin e disiplinës financiare, përgjegjësisë buxhetore dhe funksionimit korrekt të administratës komunale.

Në atë detyrë, Ismeti u shqua për profesionalizëm, korrektësi dhe përkushtim të palëkundur ndaj interesit publik.

Me funksione të rëndësishme në administratën e Gjilanit, Ismet Maliqi mbetet një figurë e mirëfilltë institucionaliste, një profesionist i madh dhe një vlerë e çmuar për qytetin. Trashëgimia e tij nuk matet vetëm me pozitat që mbajti, por me standardin njerëzor dhe profesional që la pas, një shembull se si duhet jetuar dhe shërbyer me nder./rajonipress/