Mërgimtari Shaip Sejdiu nderohet me mirënjohje për kontributin e tij

Viti – Kryetari i Komunës së Vitisë, Sokol Haliti ka pritur sot në takim mërgimtarin Shaip Sejdiu, i cili ka dhënë një kontribut në meremetimin e shkollës fillore “Hasan Aliu” në Remnik të Vitisë.

Me këtë rast Kryetari Haliti falënderoj z. Sejdiu për kontributin e dhënë duke potencuar se Komuna të cilën ai e drejton do të jetë gjithmonë mirënjohës për kontributin që e kanë dhënë dhe po e japin bashkatdhetarët tanë në të mirën e vendit.

Përndryshe Institucionet Komunale të Vitisë në fillim të këtij muaji kanë emëruar në shenjë respekti një shëtitore me emrin “Mërgimtarët” ./rajonipress/