Shqiptari nga Lugina falsifikon automjetin, ndalohet nga policia

Gjilan – Në fshatin Hodonoc, të Kamenicës njësiti policor në një pikë kontrolli ka ndaluar automjetin Opel Frontera që drejtohej nga i dyshuari mashkull shqiptar shtetas i Serbisë me vendbanim në Republikën e Kosovës.

Gjatë kontrollimit është vërejtur se i dyshuari nuk posedon dokumentacion për automjetin ndërsa targat pas verifikimit është konstatuar se i përkasin një automjeti tjetër njoftoj policia e Kosovës.

I dyshuari më pas njësitit policor ia ka prezantuar targat që i përkasin këtij automjeti si dhe librezën e qarkullimit në afat të skaduar regjistrimi nga viti 2014. Me urdhër të prokurorit rasti shkon në procedurë të rregullt./rajonipress/