Haziri: Riformatimi mundëson qeverisje më të hapur dhe më efikase

Gjilan – Riformatimi sipas Lutfi Hazirit po bëhet në interes të rritjes së konsensusit qytetar për qeverisje të hapur, barazi sociale, efikasitet e funksionalitet të qeverisjes lokale.

Lutfi Haziri është shprehur optimist se riformatimi që filloi së fundit e që pritet të vazhdojë edhe në javët e ardhshme do të jetë i dobishëm për Gjilanin.

”Do të vazhdojmë javëve tjera me emërime dhe ndarje të punëve brenda sektorëve të mëdhenj në mënyrë që të rritet produktiviteti në punë”.

Haziri tha se po e përgatisim administratën për menaxhimin e investimeve të mëdha që pritet me fillue këtë muaj dhe do të vazhdojmë muajt e ardhshëm. “Gjilani për gjilanasit, program që garanton qytetarët dhe investitorët po ashtu” tha Haziri./rajonipress/