Ibish Ibishi, kandidati i pathyeshëm, luftarak, serioz, i përkushtuar dhe në funksion të qytetarëve

Gjilan – Ibish Ibishi është njëri nga kandidatët më serioz në Komunën e Gjilanit, për faktin se edhe në mandatet e kaluara ai ka treguar vullnet, dije, guxim dhe ka lobuar, promovuar e sensibilizuar shumë probleme jetike për qytetin e Gjilanit dhe në veçanti për fshatin Miresh dhe fshatrat e brezit kufitar.

Duke pasur parasysh faktin se Ibish Ibishi është sprovuar në politikë, në vendimmarrje dhe është treguar shumë herë i vendosur dhe luftarak, edhe atëherë kur ndoshta edhe partia e tij ka menduar ndryshe, e bëjnë një kandidat me autoritet e kredibilitet moral, njerëzor e profesional.

Ibishi është nga kandidatët e rrallë, që ka folur dhe mbrojtur hapur iniciativa, ide, projekte, propozime që kanë ardhur nga fshati Miresh. Pastaj ka qëndruar përherë në përkrahje të infrastrukturës së fshatrave kufitare Stublinë, Bilinicë, Llovcë e Kokaj.

Ibish Ibishi ka vizion e qëndrim konstruktiv për Gjilanin, për qytetin i cili tashmë i duhet një lider i ri, dhe një asamble komunale më funksionale.

“Me vizion, përkushtim dhe energji të re, jemi gati që në vazhdimësi të japim atë që vendi ynë meriton. Me përkushtim të plotë duhet të angazhohemi në politika konkrete për punësimin e të rinjëve, arsim profesional, mbështetje për bizneset e reja të të rinjve dhe krijimin e hapësirave kulturore- sportive” ka shkruar më herët Ibish Ibishi.

Votuesit e Ibish Ibishit janë votues të së ardhmes së Gjilanit evropian dhe prosperues. /rajonipress/