Ahmeti: Inspeksioni ka asgjësuar mbi 18 tonë produkte ushqimore me afat të skaduar

Viti – Me qëllim që qytetarët e komunës së Vitisë të njihen me punën e Drejtorisë së Inspeksionit sot është mbajtur një konferencë e rregullt për shtyp nga U.D i Drejtorisë së Inspeksionit, Skendër Ahmeti i cili gjatë këtij takimi ka folur për punën e kësaj drejtorie si në mbrojtjen e konsumatorëve nga produktet me afatet e skaduar dhe nga mashtrimet, mbrojtje të ambientit, verifikimin e linjave të qarkullimit në komunikacion, lirimin e pronave të uzurpuarave publike si dhe shumë çështje të tjera të cilat ndërlidhën me drejtorin në fjalë.

Skënder Ahmeti, U.D i Drejtorisë së Inspeksionit, gjatë konferencës së rregullt për shtyp sot ka folur në veçanti edhe për mbrojtjen e qytetarëve nga produktet me afat të skaduar nga inspektorët e tregut duke përmendur se deri me tani janë asgjësuar në këtë komunë mbi 18 tonë produkte ushqimore. “Inspektorët e tregut janë aktiv në teren sidomos tani kur kemi temperatura të larta dhe kur bashkëqytetarët tanë kanë ardhur nga bota e jashtme. Ne kemi qenë në shërbim të tyre duke i përcjellë të gjitha artikujt ushqimor dhe duke e shikuar për afatshmerinë e tyre dhe atë në bashkëpunim me inspeksionin sanitar” u shpreh Ahmeti.

Ai tha se po ashtu ata kanë vëzhguar edhe rreth dyshimeve të ngritura nga qytetarët për mos përputhjen e çmimeve në rafta dhe në pagesat kur bëhet të arka.

Ai tha se pas këtyre shqetësimeve të ngritur Drejtoria e tij ka bërë mbi 100 inspektime duke kërkuar nga qytetarët vitias që të bashkëpunojnë me drejtorinë në fjalë për rastet e tillë duke potencuar se drejtoria e Inspeksionit do të veprojë në kuadër të ligjeve në fuqi.

Ahmeti ka përmendur veç e veç edhe punën e sektorëve të tjerë në kuadër të kësaj drejtorie si për mbrojtjen e konsumatorëve nga produktet me afatet e skaduar dhe nga mashtrimet, mbrojtje të ambientit, verifikimin e linjave të qarkullimit në komunikacion, lirimin e pronave të uzurpuarave publike, lojërat e fatit etj.

Për më shumë gjatë ditës në vijim do të publikojmë edhe video incizimin nga kjo konferencë./rajonipress/