Komuna e Vitisë vazhdon përkrahjen e fermerëve me mekanizmat bujqësor

Viti – Komuna e Vitisë, ka vazhduar me përkrahjen e fermerëve përfitues me mekanizëm të ndryshëm bujqësor. Me këtë rast sot kryetari i kësaj komune, Sokol Haliti i shoqëruar nga drejtori për Bujqësi, Pylltari dhe Zhvillim Rural, Naim Pira kanë bërë shpërndarjen e 37 plugjeve, 30 rrotokosa, 5 mbjellëse të patates dhe 4 nxjerrëse te patates.

Me këtë rast Haliti tha se komuna e Vitisë po vazhdojnë me ciklin e përkrahjes së fermerëve vitias, duke potencuar se ai është krenar me fermerët vitias dhe produktet bujqësore që plasojnë ata në treg.

Ai gjithashtu tha se me përkrahjen e fermerëve me mekanizmat e ndryshme bujqësor rritet zhvillimi ekonomik në veçanti gjenerimi i të hyrave.

I pari i Vitisë theksoj gjithashtu se qeverisja lokale në Viti në mënyrë progresive do të bëjë rritjen e përkrahjes së tyre duke shikuar edhe mundësitë që në të ardhmen t`i furnizoj ata me mekanizma të tjerë bujqësor.

Kurse Naim Pira, drejtor për Bujqësi, Pylltari dhe Zhvillim Rural tha se vlera e përgjithshme e këtyre mekanizmave bujqësor është mbi 75 mijë euro dhe se ku 20% e vlerës është participim nga vetë fermerët përfitues, ndërsa pjesa tjetër është e mbuluar nga buxheti i komunës së Vitisë.

Ai falënderoj kryetarin Haliti që ka mundësuar blerjen e këtyre mekanizmave dhe tha se furnizimi është bërë sipas kërkesave që kanë pasur fermerët e kësaj komune.

Drejtori Pira gjithashtu e cilësoj këtë vit si më të suksesshëm në furnizimin e fermerëve me mekanizëm bujqësor./rajonipress/