Rashiti: Transparenca në rënie të lirë, Gjilani çdo vit më keq

Gjilan – Nën qeverisjen e Vetëvendosjes, Komuna e Gjilanit po bëhet gjithnjë e më e mbyllur. Sipas të dhënave zyrtare të publikuara nga Instituti GAP, transparenca buxhetore ka rënë vazhdimisht në 3 vitet e fundit: 2022 – 68.7 pikë, 2023 – 60.0 pikë, 2024 – 53.5 pikë ka shkruar Riad Rashiti nga PDK.

Postimi i plotë:

Ky është një sinjal alarmi. Vendimmarrjet e rëndësishme po bëhen pa pjesëmarrjen e qytetarëve, dokumentet nuk publikohen fare dhe paratë e qytetarëve po shpenzohen pa llogaridhënie.

Kryetari i komunës ende nuk ka raportuar fare në Kuvendin Komunal për raportin vjetor financiar për 2024. Poashtu, raporti i auditorit ka konstatuar dhjetëra raste të keqpërdorimeve, shkeljeve ligjore dhe shpenzim të pakontrolluar të miliona eurove për vitin e kaluar.

Kësaj nuk i thuhet qeverisje. Ky pushtet e ka përjashtuar qytetarin nga vendimet për qytetin e tij.
Unë do angazhohem plotësisht për:
Transparencë të plotë në çdo hap të qeverisjes
Përfshirje të qytetarëve në planifikim dhe vendimmarrje
Hapje të të gjitha dokumenteve dhe kontratave publike
Do i jap fund arrogancës në qeverisje dhe keqpërdorimit të parasë publike
Gjilani ka nevojë për një drejtim të ri.

Qytetari duhet të jetë pjesë aktive e përhershme në planifikim dhe realizim të punëve të mira.
Na duhesh edhe t`i, që ta hapim këtë komunë të mbyllur dhe ta ndërtojmë bashkë./rajonipress/