Ismajli: Zëri i mërgatës do të dëgjohet dhe do të jetë pjesë aktive

Gjilan – Arbër Ismajli siguroi se brenda përgjegjësive dhe kompetencave të tij, do të angazhohet maksimalisht për të garantuar, që zëri i mërgatës të dëgjohet dhe të jetë pjesë aktive, në ndërtimin e një të ardhmeje, më të mirë për të gjithë ka shkruar Latif Maliqi këshilltar komunal nga LDK.

Postimi i plotë :

Së bashku me kryetarin në ardhje, z. Arbër Ismajli, patëm kënaqësinë të zhvillojmë një bashkëbisedim me bashkatdhetarët tanë në mërgatë, duke diskutuar për të ardhmen e qytetit tonë një të ardhme më të zhvilluar dhe me perspektivë të qartë ka shkruar Latif Maliqi.

Adnani, Refiki dhe Jashari janë njerëz të përkushtuar ndaj atdheut ata ndanë mendimet dhe shqetësimet e tyre për rolin e mërgatës në zhvillimin e komunës sonë.

Ata kërkuan që kontributi i tyre të shoqërohet me përkushtim institucional për krijimin e kushteve më të mira për jetë, investime dhe përfshirje në vendimmarrje.

Ismajli siguroi se brenda përgjegjësive dhe kompetencave të tij, do të angazhohet maksimalisht për të garantuar që zëri i mërgatës të dëgjohet dhe të jetë pjesë aktive, në ndërtimin e një të ardhmeje, më të mirë për të gjithë./rajonipress/