Pak qytetar marrin pjesë në dëgjimin publik për planifikimin e buxhetit

Kamenicë – Në një debat të organizuar nga drejtoria për buxhet dhe financa që është mbajtur në Hogosht rreth dëgjimit publik për planifikim të buxhetit kanë marrë pjesë vetëm 5 qytetar. Qytetarët e kësaj ane kishin treguar interesim të vogël për të marr pjesë në dëgjimin publik lidhur me planifikimin e buxhetit komunal për vitin 2016.

Drejtoria komunale për Financa dhe Buxhet, vazhdon me organizimin e dëgjimeve publike për planifikimin e buxhetit komunal, edhe në disa fshatra të mëdha të komunës së Kamenicës.

Në një debat të organizuar nga drejtoria për buxhet dhe financa që është mbajtur në Hogosht rreth dëgjimit publik për planifikim të buxhetit kanë marrë pjesë vetëm 5 qytetar. Qytetarët e kësaj ane kishin treguar interesim të vogël për të marr pjesë në dëgjimin publik lidhur me planifikimin e buxhetit komunal për vitin 2016.

Megjithatë, ata kanë dhënë propozime për disa projekte për të cilat mendonin se janë më se të nevojshme për banorët e këtij fshati.

Propozimet kishin të bënin me thurjen e oborrit shkollës, ujësjellësin e fshatit, memorialin e fshatit, kanalizimin, zgjerimin e rrugës që shpie në fushat e fshatit, si dhe ndërtimin e rrugës që e lidhë fshatin Hogosht me fshatin Shipashnicë e Epërme.

Në debat mori pjesë, drejtoresha e Drejtorisë për Financa dhe Buxhet, Shejnaze Masurica, zyrtari kryesor financiar, Naser Hashani dhe menaxheri i tatimit në pronë Hysen Krivaqa./rajonipress/