Në Gjilan fillon dezinsektimi hapësinor

Gjilan – Ka nisur faza e parë e dezinsektimit hapësinor në qytetin e Gjilanit, e cila do të zgjasë 1 javë dhe do të përfshijë të gjitha zonat e qytetit.

Kryetari i Komunës së Gjilanit, Alban Hyseni, tha se procesi i spërkatjes do të realizohet çdo ditë nga ora 19:30 deri në orën 01:00 pas mesnate.

Sipas tij gjatë kësaj kohe, qytetarët luten që të mbajnë dritaret e mbyllura për të parandaluar futjen e insekteve në shtëpi.

I pari i Gjilanit, njëkohësisht, u bënë thirrje të gjithë bletarëve që, për arsye sigurie, t’i mbajnë bletët e mbyllura nga ora 19:30 deri në orën 05:00 të mëngjesit.

“Faleminderit për mirëkuptimin dhe bashkëpunimin në funksion të shëndetit publik dhe mirëqenies së përbashkët”, tha Hyseni./rajonipress/