Arrihet marrëveshja kryesi – futbollist në KF Gjilan

Gjilan – Futbollistët e Gjilanit të pa kënaqur për shkak të mos marrjes së rrogave ditë më parë kanë bojkotuar stërvitjet.

Një pakënaqësi e tillë e futbollistëve të Gjilanit është paraqitur edhe më herët, por kryesia e klubit të Gjilanit ka gjetur mënyra për t`i paguar obligimet e saja futbollistëve të saj.

Sipas zyrtarëve të Gjilanit kjo vonesë ka ardhur për shkak se disa prej tyre gjinden jashtë vendit dhe pritet shumë shpejtë obligimet t`i kryejnë ashtu siç është paraparë në kontratat e futbollistëve.

Sipas burimeve të sigurta brenda klubit të Gjilanit futbollistët e saj do të vazhdojnë stërvitjet e rregullta pasi të gjitha obligimet do të kryhen në mënyrë korrekte.

Java e 14-të e Vala Superligës së Kosovës në futboll do të zhvillohet në mesë javën e ardhshme pasi Kombëtarja e Kosovës zhvillon ndeshjen me Turqinë të shtunën e vlefshme për kualifikimet e Kampionatit Botëror “Rusia 2018”./sylejman ismajli/rajonipress/