Mbajtja dhe zgjedhja e këshillave lokale në Kamenicë po shkon mbarë

Kamenicë – Procesi i zgjedhjeve të këshillave lokale po vazhdon sipas planit dhe orarit të paraparë në qytet dhe të gjitha fshatrat e komunës tonë.

Komisioni komunal i zgjedhur nga Kuvendi Komunal së bashku me operatorët po vazhdojnë punën e tyre në terren dhe deri tani kanë mbajtur 5 kuvende zgjedhore ku kanë zgjedhur kryetarët dhe anëtarët e këshillave lokale: Kryetarët e zgjedhur deri tani janë në lagjen Qendra – Ruzhdi Qehaja, në lagjen Malësia: Nexhmedin Korqa, në Desivojcë: Alisahit Bunjaku, në lagjen Iliria:Mitat Jerliu, dhe në Petroc: Xhavit Ajeti.

Zgjedhja e këshillave lokale është mbështetur nga DEMOS në bashkëpunim me komunën e Kamenicës, ftojmë qytetarët që të marrin pjesë dhe të bëhen pjesë e këtyre zgjedhjeve./rajonipress/