Asfaltohen rrugët në drejtim të shkollës së fshatit Goshicë

Viti – Në kuadër të projekteve të shumta infrastrukturore që janë duke u realizuar gjatë këtij viti në lokalitetet e ndryshme të Komunës së Vitisë, sot ka filluar asfaltimi i rrugëve në drejtim të shkollës së fshatit Goshicë.

Zv. Kryetari i Komunës së Vitisë, Hasan Aliu dhe Drejtori i Drejtorisë Komunale të Arsimit, Qahil Sinani dhe të tjerë kanë vizituar sot, fshatin Goshicë për të parë nga afër punën që po bëhet në asfaltimin e rrugëve në drejtim të shkollës.

Zv. Kryetari Aliu ndër tjerash tha se Komuna e Vitisë, është e përkushtuar që të krijoj kushte për lëvizjen e lirë të qytetarëve të saj nga të gjitha lokalitetet dhe se një kujdes të veçantë ata kanë edhe për nxënësit vitias.

Asfaltimi i këtyre rrugëve u mirëprit nga personeli arsimor dhe nxënësit e Goshicës por edhe të prindërve të cilët thanë se me asfaltimin e saj nxënësit nuk do të ecin më nëpër baltë.

Ata po ashtu theksuan se projekti i asfaltimit të këtyre rrugëve do të ndikoj drejtpërdrejtë edhe në pastërtinë brenda shkollës dhe për këtë falënderuan institucionet komunale të Vitisë të cilët realizuan këtë projekt që për ta është i një rëndësie të veçantë./rajonipress/