Betonohet “Mirusha”

Gjilan – Lumi “Mirusha” ka nisur të betonohet në qendër të qytetit pas presionit dhe protestave të qytetarëve para objektit të komunës. Mirusha tani e tutje po merr pamje të re dhe ndoshta edhe zgjidhje përfundimtare dhe fatlume për qytetin.

Shtrati i lumit “Mirusha” ka nisur të betonohet. Janë dhjetëra apo qindra metra që tashmë po betonohen dhe kjo i jep një pamje krejt tjetër këtij projekti shumë të përfolur tash e 17 vite pas luftës.

Betonimi i shtratit realisht edhe zgjidhë përfundimisht kundërmimin e erës së rëndë dhe qetëson qytetarët e shumtë dhe banorët e Balecit që kanë qenë në hall të madh.

Muhameti një qytetar i Balecit tha se ky investim është dashur të ndodhë shumë më herët. “Po të mos ishin protestat tona dhe bërllokun që e lamë para derës së kryetarit, ky betonim prapë nuk do kishte ndodhur” mendon ai./rajonipress/