Azizi: Jemi të pakënaqur me padrejtësitë nga ana e AKP-së

Gjilan – Aziz Azizi koordinator i zyrës regjionale të BSPK-së tha për rajonipress se janë të shtrënguar që të protestojnë për shkak të padrejtësive dhe mos likuidimit dhe mos përmbushjes së obligimeve financiare nga ana e AKP-së. Ish punëtorët e ndërmarrjeve shoqërore të privatizuara në Gjilan do të protestojnë të premtën duke filluar nga ora 12.00 deri në 13.00 para teatrit të qytetit në Gjilan.

Ish punëtorët e ndërmarrjeve shoqërore në Gjilan edhe njëherë do të dalin në rrugë për të protestuar kundër padrejtësive që ka bërë dhe po bënë AKP-ja në raport me ta tash e sa vite.

Kreu i zyrës regjionale të BSPK-së në Gjilan Aziz Azizi tha se kjo protestë është organizuar nga ish punëtorët të cilët janë të pakënaqur dhe të revoltuar me gjendjen e tanishme dhe me padrejtësitë që po u bëhen rreth mos likuidimit nga ana e AKP-së dhe mos përmbushjes së obligimeve financiare nga ky proces. “Edhe përkundër faktit se kërkesat tona janë të bazuara dhe të mbuluara me vendime gjyqësore të plotfuqishme tash e 13 vite nuk po ndodhë likuidimi” tha Azizi për rajonipress.

Ndryshe ish punëtorët do të mblidhen të premten para teatrit të qytetit duke filluar nga ora 12.00 deri ën ora 13.00./rajonipress/