Kopërnica do të bëhet me rrugë të asfaltuara

Kamenicë – Komuna e Kamenicës po vazhdon me investimet në realizimin e projekteve në infrastrukturën rrugore.

Kryetari i komunës, Begzad Sinani së bashku me banorët e fshatit Kopërnicë kanë vizituar kryerjen e punimeve. “Ndërtimi i infrastrukturës rrugore është njëri ndër prioritetet e qeverisë lokale, ne po punojmë që infrastruktura rrugore të arrijë në çdo vend të komunës tonë tani në radhë janë realizimi i projekteve në fshatin Kopërnicë do të vazhdojmë me projekte të tjera” tha Sinani.

Banorët e fshatit Kopërnicë e falënderuan kryetarin dhe organet komunale për investimet dhe e vlerësuan lartë dhe shumë të rëndësishëm asfaltimin e këtyre rrugëve.

Ridvan Ajvazi banor i lagjes përgëzoi kryetarin për punët e bëra në komunë dhe në këtë fshat. “Është kënaqësi të kesh një kryetar komune aktiv siç jeni ju Begzad Sinani” tha ky banor i fshatit Kopërnicë./rajonipress/