Pozitë e opozitë afër gjetjes së një zgjidhje për demarkacionin

Partitë e pozitës dhe opozitës kanë zhvilluar një takim në njërin nga hotelet e Prishtinës, për të arritur një konsensus për demarkacionin me Malin e Zi.

Ideja e këtij takimi, që është zhvilluar edhe më herët por pa pranin e VV-së, është që të arrihet një konsensus në mes partive politike në vend që të gjendet një zgjidhje e pranueshme për të gjitha palët për demarkacionin.

Një zyrtar brenda takimit i ka thënë për Indeksonline se në ditët në vazhdim do të dilet me një deklaratë të përbashkët për harmonizimin e qëndrimeve pozitë-opozitë.

“Në takim kanë qenë të gjitha partitë politike në vend, që janë të përfaqësuara në Kuvend, përfshi këtu edhe Vetëvendosjen. Në takim është diskutuar për gjetjen e një zgjidhje të pranueshme për të gjitha palët. Nga përfaqësuesit e partive politike do të harmonizohen qëndrimet dhe ditët në vazhdim do të dilet me një deklaratë të nënshkruar nga të gjithë liderët e partive, PDK, LDK, VV, AAK, NISMA”, ka thënë ky zyrtar për Indeksonline.

Ndryshe ky është takimi i pestë me radhë që është zhvilluar që është duke provuar të gjendet një zgjidhje për tejkalimin e problemit të demarkacionit./Indeksonline/