Fundjava sjell lajmin katastrofal për Shaqirin

Xherdan Shaqiri do t’i mungojë Stoke Cityt në ndeshjen kundër Tottenhamit të shtunën.

Mesfushori kosovar nuk do të jetë i gatshëm për lojë në ndeshjen e radhës të Stoke Cityt në Premierligë, raporton Gazeta Blic

Trajneri i Stoke, Mark Hughes, bëri të ditur se 24-vjeçari do të mungojë në ndeshjen kundër Tottenhamit, pasi ende nuk është rikuperuar nga lëndimi në këmbën e tij.

“Xherdani po rikuperohet ngadalë për momentin”, tha Hughes për faqen zyrtare të klubit.

“Kemi tentuar diçka ndryshe këtë javë në mënyrë që ai të jetë i gatshëm për lojë, por ai nuk do të jetë i disponueshëm këtë fundjavë”, përfundoi Hughes. /Gazeta Blic/