Tentim vrasje në Zhegovc, lëndohet rëndë roja e pyellit

Gjilan – Policia e Kosovës ka pranuar një informatë se në Emergjencën rajonale të Gjilanit është sjellur një person i lënduar. Njësiti policor patrullues ka shkuar në Emergjencë dhe është konfirmuar se i lënduari është shqiptar shtetas i Kosovës (1953) me profesion pylltar.

I njëjti ishte sulmuar gjatë kryerjes së detyrës nga tre persona, të dyshuar në pyllin e fshatit Zhegovc ku i kanë shkaktuar lëndime të rënda trupore ku viktima nga emergjenca e Gjilanit është transferuar në QKUK në Prishtinë për shkak të lëndimeve të rënda.

Sipas viktimës të dyshuarit kanë pasur edhe një armë revole me vete.

Njësiti policor patrullues së bashku me Njësitet e hetimeve rajonale kanë dalë në vendin e ngjarjes dhe kanë konfiskuar një revole prodhim C. Zastava -99 e kalibrit 9 mm me një karikator me 14 fishek ku dyshohet se një fishek është shkrepur.

Të dyshuarit janë arrestuar nga policia e Kosovës njësitet patrulluese nga stacioni policor i Gjilanit dhe pasi janë intervistuar, me vendim të Prokurorit të shtetit ndaj tre të dyshuarve që të gjithë shqiptar shtetas të Kosovës u caktohet masa e ndalimit për 48 orë.

Rasti është cilësuar si “Vrasja në tentativë” dhe “Armëmbajtje pa leje” dhe procedohet në PTH njoftoj Ismet Hashani./rajonipress/