Ymeri: Më 1 shtator protestë gjithë-popullore kundër demarkacionit

Kreu i Lëvizjes Vetëvendosje, Visar Ymeri ka paralajmëruar protestë gjithë-popullore më 1 shtator, ditën kur edhe Kuvendi i Kosovës pritet ta ratifikoj marrëveshjen për Demarkacionin me Malin e Zi, raporton “Zeri.info”.

“Prandaj ne po e shpallim sot protestën gjithë-popullore më 1 shtator ditën kur kuvendi i Kosovës pritet ta ratifikoj marrëveshjen”, ka deklaruar Ymeri.

Siç raporton “Zeri.info”, Ymeri në konferencën e cila është duke u mbajtur ka thënë se, Mali i Zi e di që vijat kufitare janë gabim, prandaj siç deklaroi ai, nuk po bën zë.

“Këtë e di edhe Mali i Zi që demarkacioni është gabim dhe prandaj nuk po bën zë për asgjë”, deklaroi Ymeri.