Alban Hyseni merru me Gjilan, lej zgjedhjet në Serbi

Nga Kushtrim Kadriu – Çka ka nevojë që kryetari i Gjilanit të merret me zgjedhjet në Serbi? Thua që ky i kënaqi punët e Gjilanit dhe i ka mbet tash të merret edhe me atje. Gjilanin e ka llugë, ndërsa tenton të përzihet atje duke marrë anën e një partie politike kundër të tjerave, dhe në këtë mënyrë të përçajë edhe më shumë spektrin politik shqiptar atje edhe ashtu të përçarë.

Duket se nuk po i mjaftojnë hallet e shumta të Gjilanit. Për katër muaj, krejt çka ka ba është se i ka ngulë në qendër të qytetit disa kunja të panevojshëm ( ose fare, fare pak të nevojshëm) dhe tash do të merret edhe me Luginën.

Kryetar, merru me punët për të cilat jeni zgjedhur dhe lëri ato të tjerat se të rënda janë për ty! Bile, me sa po shihet edhe detyra e kryetarit të Gjilanit po del shumë, shumë e rëndë për ty. A, që do ta shpërqendrosh vëmendjen prej faktit se ju nuk keni as idenë më të vogël se si udhëhiqet komuna, e keni gabim. Askush nuk i ha këto fore të lodhta.