Në Gollak na u mbyllën shkollat

Teksti, muzika dhe interpretimi : Demir Krasniqi

Në Gollak na u mbyllën shkollat –
Kurrë për jetë nuk çilën mollat !
Sikur netët pa rreze t’ hënës –
Shkollat mbyllë kanë ngelë pa nxënës !

Nuk ka mësues, as arsimtarë ,
S’ ka pastrues, as prijatarë !
Janë mbyllë librat e bibliotekës –
Si kufomat n’ sandëç të vdekjës !

Nuk ka mësues nëpër banesa –
Dyert mbyllë , ka humbur shpresa !
Në Gollak janë mbyllë shitoret –
Për vendorët kanë humbë fitoret !

Ka mbetë mbyllë Zyra e Vendit –
T’ gjallë e t’ vdekur kanë humbë prej rendit !
Ambulanca e mjekësisë –
Ka mbetë mbyllë n’ fshatra t’ malësisë !

S’ ka baresha , as barinj ,
Nuk ka bujq , as bujqësi !
S’ ka baçica , as bylmet ,
S’ ka tradita si e kem adet !

Në Gollak , në mbarë këto male –
Humbëm lojërat tradicionale !
Nuk ka lindje , nuk ka rritje ,
Nuk ka gëzime , s’ ka mikpritje !…

Në Gollak nuk ka ma burra –
Kanë shterë kroje , kanë shterë gurra !
Thera e kaça u mbushë Gollaku –
Tokës sonë s’ i dalim haku !

S’ ka shtëpi , nuk ka konak ,
Nuk qet tym kund një oxhak !
Në Gollak, në atë malësi –
S’ ka mbet n’ këmbë kund një xhami !

S’ ka ezan, as hoxhallarë ,
S’ ka xhematë , as besimtarë !…
S’ ka lojtarë , as këngëtarë ,
S’ ka valltarë , as flamurtarë !…

Në çdo lum e në çdo përrua –
T’ gjithë mullinjtë na janë rrënua !
S’ ka mbet vend se ku me shkua –
Një grusht drithë sa për ta blua !

Në Gollak , ka humbë gjithë shpresa –
S’ ka fejesa , dasma , martesa !…
Nuk ka këngë , as s’ka gëzime ,
S’ ka humor , nuk ka vallëzime !…

Nuk sheh rresht me flamur t’ kuq –
Nëpër dasma duke shkuar krushq !
Nuk sheh krushq me kerre t’ kuqe –
Nëpër fshatra duke marrë nuse !

Po bëjnë populli: “Haj, medet –
N’ qafë na mori i ziu kurbet !
N’ qafë na mori i ziu qytet –
Gjithë çka patëm – i lamë shkret !”

Gjilan, më 12.11.2020 v.

Demir KRASNIQI