Shpërblehet Gjilani me diplomë për bashkëpunim ndër-regjional dhe partneritet europian

Gjilan – Kongresi i Pushtetit Lokal dhe Regjional i Këshillit të Europës, ka veçuar dhe shpërblyer sot Gjilanin me diplomën për bashkëpunim ndërkomnunal, ndër regjional dhe për partneritet europian.

Në ceremoninë e rastit, që u zhvillua në Paris të Francës, diplomën e nderit, kryetarit të Komunës së Gjilanit, Lutfi Haziri, ia dorëzoi presidenti i Kongresit, Jean-Claude Frecon.

Haziri e ka falënderuar me këtë rast z. Frecon për këtë vlerësim, duke thënë se kjo e nderuar qytetin e Gjilanit dhe përmes partneriteteve me anëtarët e ALDA-s, do të ketë mundësi për projekte të ndryshme për këtë qytetarët e kësaj komune.

Përndryshe, kreu i Gjilanit Lutfi Haziri, së bashku me drejtorin e DZHE-së, Agim Zuzaku, janë duke ndjekur punimet e asamblesë së përgjithshme të Asociacionit Europian për Zhvillim të Demokracisë Lokale (ALDA).

Komuna e Gjilanit, nga viti 2015 është anëtare me të drejta të plota në këtë organizatë./rajonipress/