Pajaziti me një platformë e cila do ta rikthejë PDK-në në forcën e parë politike

Gjilan – Gjatë një takimi me veprimtarë dhe mbështetës të shumtë, u bë edhe konstituimi i një trupe të re e cila do të jetë mbështetëse e fuqishme e Kryetarit dhe kryesisë së degës, në përmbushjen e objektivave për zhvillimin e Gjilanit si dhe për të ofruar një platformë e cila do ta rikthejë PDK-së në forcën e parë politike në Gjilan.

Partia Demokratike në Gjilan, ka zhvilluar aktivitetin e radhës me qëllim të organizimit sa më të mirë si dhe gjetjes së formave të reja të organizimit. Në kuadër të angazhimeve, kryetari i degës Zenun Pajaziti, lansoi një mekanizëm të ri në kuadër të degës.

Gjatë një takimi me veprimtarë dhe mbështetës të shumtë, u bë edhe konstituimi i një trupe të re e cila do të jetë mbështetëse e fuqishme e Kryetarit dhe kryesisë së degës, në përmbushjen e objektivave për zhvillimin e Gjilanit si dhe për të ofruar një platformë e cila do ta rikthejë PDK-së në forcën e parë politike në Gjilan.

Kjo trupë mbështetëse do të fokusohet në tri drejtime; në konsulencë dhe këshillëdhënie; informim dhe marrëdhënie me publikun si dhe në mbështetje organizative në teren.

Në këtë takim, poashtu u debatua për shumë çështje që janë ngritur nga vetë qytetarët, e që kanë të bëjnë me qeverisjen aktuale dhe nevojën që sa më shpejtë të ndalen degradimet në fushën e ndërtimeve, shërbimeve për qytetarët si dhe nevoja e mbështetjes në bujqësi si njëri ndër sektorët më strategjik për zhvillimin e regjionit.

Pajaziti, pasi orientoi interesimin dhe gatishmërinë që të punojë me të gjithë të interesuarit për ta ndryshuar gjendjen për të mirë, falënderoi të gjithë ata që shprehën gatishmërinë për angazhim, duke i inkurajuar për tu angazhuar edhe më shumë së bashku thuhet në njoftimin e degës së PDK-së./rajonipress/