Haziri: Raporti i OJQ “Anamorava” i pa bazë dhe i politizuar

Gjilan – Lutfi Haziri duke komentuar vërejtjet dhe rekomandimet që ka dhënë OJQ “Anamorava” rreth punës së Asamblesë komunale, komiteteve dhe mekanizmave tjerë institucional thotë se Raporti nuk ka profil, është i pa bazë dhe i politizuar.

Sipas Lutfi Hazirit raporti duhet të jetë në mandat për periudhë kohore një vjeçare ndërsa ky Raport përmbledhë probleme 16 vjeçare të komunës, i ndërtuar madje me metoda neokomuniste e jo me metoda bashkëkohore që aplikohen në pushtetin lokal.

“Një Komunë me e-shërbime, me aplikacione për smart municipality, one stop shop, komunikim intensiv me qytetarët me mbi 12 tubime publike me qytetarët për një vit, me mbështetje me të madhe donatorësh si BE, USA, Zvicra, Gjermania dhe programe të veçanta me organizata ndërkombëtare pranuar në Konventën e kryetarëve të komunave në Europë, agjencionin për demokraci lokale Strasburgun, bashkëpunimin ndërkufitar me 17 komuna në regjione, me 26 milion euro investime” tha Haziri./rajonipress/