Domatja është njëra ndër perimet më të shëndetshme

Domatja është njëra ndër perimet më të shëndetshme dhe më të shijshme. Nëse e konsumoni rregullisht, ndihmoni në largimin e sasisë së tepërt të ujit nga organizmi, me çka vjen deri te ulja e shtypjes së lartë të gjakut dhe lehtësimi i funksionimit të sistemit kardiovaskular.

Meqë domatja nxitë funksionimin e pankreasit, ajo preferohet edhe për të sëmurët nga diabeti.

Përpos vitaminave, të cilat janë antioksidues të dëshmuar, domatja përmban edhe likopenin, pigmentin e kuq bimor, i cili është antioksiduesi më i fuqishëm natyror. Ajo që është me rëndësi, është se domatja ka sasinë më të madhe të likopenit, nga të gjitha perimet, prandaj kjo perime, si asnjë tjetër, na mbron nga radikalet e lira.

Për dallim nga vitaminat, të cilat me zierje shkatërrohen, likopeni vetëm sa vjen duke u shtuar me zierje. Domatja është e dobishme edhe te të sëmurët nga reuma, zemra, veshkat, etj.