A do të lirohen edhe në Gjilan hapësirat e uzurpuara publike, përgjigjet Luta?

Gjilan – Lutfi Haziri thotë se Task Forca pritet të emërohet të martën dhe ky mekanizëm pritet të zbatojë të gjitha vendimet e urbanizmit dhe shërbimeve publike. Për uzurpatorët e hapësirës publike që tashmë ka edhe në qendër të qytetit ky është një lajm jo fort i mirë.

Në pyetjen e rajonipress se a pritet që edhe në Gjilan të lirohen hapësirat e uzurpuara në qendër të Gjilanit kreu i komunës Lutfi Haziri u shpreh: “Jemi në fazën e planifikimit dhe Task Forca pritet të emërohet të martën. Ne qellim kryesor kemi që të zbatojmë vendimet e urbanizmit dhe Shërbimeve publike duke krijuar mundësi të barabartë për të gjithë, por edhe duke stimuluar bizneset e vogla dhe të mesme siç ndodhi me zejtaret tashmë”.

Haziri tha se hapin tjetër do të veprojmë sipas listës e cila do të publikohet të martën dhe në afat ligjor të gjithë mekanizmat komunal dhe shtetëror do të veprojnë./rajonipress/