Rajonipress ecë suksesshëm në katër vjetorin e themelimit

Gjilan – Agjencia Rajonale e Lajmeve Rajonipress me tërë stafin e saj dhe me tërë bashkëpunëtorët e saj kudo që ndodhen në Kosovë, diasporë, Shqipëri, Zvicër, Gjermani, Amerikë, Itali, Norvegji, Kosovë Lindore e Maqedoni dhe kudo në trojet shqiptare me rastin e katër vjetorit të themelimit (5 maj 2012 – 5 maj 2016 ), i falënderon të gjithë lexuesit e saj të shumtë për përkrahje e mbështetje. Rajonipress zotohet se edhe në vitin 2016 do të jetë në shërbim të lexuesve dhe do të jetë kujdestar i të gjitha zhvillimeve që ndodhin kudo në hapësirat shqiptare.

Themeluesi i Rajonipress, Musa Sabedini fitues i katërfishtë i çmimit në gazetari, autor i dy librave, ligjërues i lëndës “Etika në media” dhe udhëheqës për më shumë se 16 vite i Klubit të Gazetarëve “Beqir Musliu”, me shumë mburrje e krenari flet për këto vite të punës profesionale.

Sabedini thotë se rajonipress i ka rezistuar të gjitha rrymave e klaneve mafioze dhe ka ditur të bëjë gazetari profesionale të ndërtuar nga standardet e larta e të avancuara.

Rajonipress me të drejtë konsiderohet lokomotivë e gazetarisë moderne dhe lokomotivë e luftimit të krimit, dukurive negative e mbi të gjitha lokomotive mbrojtjes së qytetareve të pa krahë e të pa zë.

“Ne zhvilluam një gazetari aktive dhe gjithnjë në favor të lexuesve e qytetarëve të thjeshtë. Atyre u dhamë fuqinë më të madhe për të folur hapur e shprehur lirshëm qëndrimet e tyre. Për këtë arsye për ne është një ditë e veçantë sepse shënojmë katër vjetorin e rajonipress i cili më 5 maj 2012 startojë punën duke arritur shumë shpejt të bëhet një lajmëtar origjinal, i shpejt, korrekt dhe mbi të gjitha të bëhet një ambasador i lajmit të vërtet dhe kredibil.

Sabedini ka thënë se Agjencia Rajonale e Lajmeve Rajonipress është themeluar më 5 maj 2012 nga një grup i gazetarëve profesionist i cili synim dhe qëllim kryesor të punës së tij ekskluzivisht ka pasur që të informoj shpejt, drejtë, saktë dhe objektivisht për të gjitha zhvillimet që ndodhin në rajonin e Anamoravës dhe më gjerë.

Rajonipress ka bërë një punë profesionale, angazhuese, hulumtuese dhe me të drejtë ka goditur çdo pikë, ka lëvizur çdo detaj që ka qenë në interes të publikut. “Se jemi profesional dhe në shërbim të gazetarisë dhe të etikës së saj profesionale tashmë e kemi dëshmuar qindra herë. Ndoshta jemi të vetmit në rajon që jemi marrë me raste të rënda të korrupsionit, krimit të organizuar, trafikimit e kontrabandimit. Nuk jemi frikësuar për asnjë rast ndaj asnjë grupimi kriminal apo klani të caktuar politik”.

Rajonipress ka ecur drejtë dhe ka vazhduar të ofrojë para lexuesit të saj lajmin e vërtetë, lajmin e shpejt, objektiv dhe mbi të gjitha lajmin e argumentuar. Edhe ne jemi kërcënuar nga njerëz të lidhur me krimin, por kemi vazhduar fuqishëm dhe kemi qëndruar edhe më stoik në fushën tonë profesionale është shprehur Sabedini.

Rajonipress në këtë përvjetor falënderon të gjithë bashkëpunëtorët e shumtë që i ka kudo, sepse pa kontributin e tyre dhe pa shkrimet, opinionet, kronikat e tyre qoftë edhe nga Diaspora apo Kosova Lindore, rubrikat nuk do të ishin të kompletuara.

Rajonipress do të vazhdojë që edhe në vitin 2016 të jetë kritikues real, të jetë në hap me lajmin e dëshiruar nga lexuesi. Nuk jemi dorëzuar para asnjë furtune dhe mbi të gjitha na bëjnë krenar qindra letra e mesazhe që marrim për punën që bëjmë.

Agjencia Rajonale e Lajmeve Rajonipress si medium i profesionalizuar do të merret vetëm me gazetarinë kritike, por nuk do të thotë se ne nuk do të shkruajmë edhe për zhvillimet pozitive që ndodhin brenda Gjilanit dhe Anamoravës.

Dhe krejt në fund Rajonipress ju thotë një urim të madh FALEMINDERIT LEXUES…