Berisha: Kjo ka qenë ëndrra ime më e madhe që në fëmijëri

Etrit Berisha thotë se kualifikimi i Kombëtares Shqiptare në Kampionat Evropian ka qenë gjithmonë një ëndërr për të.

Tash, portieri prishtinas e arriti një gjë të tillë me Kuqezinjtë dhe për këtë ndihet krenar, raporton Zëri.

“Është diçka e pabesueshme. Kjo ka qenë ëndrra ime e madhe që në fëmijëri. De Biasi ka ndryshuar mentalitetin tonë. Jemi bërë një ekip solid nën drejtimin e tij. Me mençurinë e tij jemi kthyer në një ekip tjetër”, deklaroi Berisha në një reportazh të Eurosport. /Zëri/