Historia e luftës së UÇK-së,duhet patjetër të ri-shkruhet

Nga Arben Mehmeti – Beteja e Koshares si një nga betejat kryesore në Kosovë ishte udhëhequr nga FARK-u nën komandën e Agim Ramadanit njeriun i cili shkroi historinë e luftës në Kosovë ndërsa kjo ushtri Komandant Suprem kishte Presidentin Ibrahim Rugova.

Pra dal nga dal po përmirësohet dhe rishkruhet historia e cila ishte shkruar ngutshëm pas lufte.

Në të kaluarën i kemi dëgjuar shpesh ish udhëheqësit e UÇK-së duke injoruar këtë luftë dhe duke mos e njohur si luftë çlirimtare.

Ndërsa tash kemi prononcimin e Kryetarit të Shtetit ku këtë luftë e konsideron si një nga betejat më të rëndësishme në Kosovë.

Poashtu edhe ish ministri i mbrojtjes në qeverinë e përkohshme deklaroj se ajo luftë ishte zhvilluar me leje të tyre.

Pra në të kaluarën nuk njihej kjo luftë dhe strukturë e FARK-ut ndërsa tash kemi qëndrime dhe vlerësime krejt ndryshe që shkakton “Mjegull” të madhe.

Andaj si duket ky vend ka nevojë të madhe për qartësim të luftës për liri sepse dëmtohet historia e këtij vendi.

Ndërsa është koha e fundit të flasin ata që janë gjallë,që kanë luftuar në këtë betejë për të qartësuar meritat e suksesit të kësaj beteje me qëllim që të shkruhet drejtë historia e këtij vendi.

Lavdi Komandantit Agim Ramadani dhe dëshmorëve të rënë të kësaj beteje.