Berisha drejt largimit nga Lazio

Pas tri vitesh të kaluara në Lazio, Etrit Berisha pritet të ndahet me klubin italian qysh në afatin kalimtar të verës.

Mediet italiane raportojnë se portieri nga Prishtina është në listën e largimeve, pasi klubi është i vendosur ta mbajë Federico Marchetti-n. Berisha nuk ishte në planet e Stefano Pioli-t, derisa nuk është as në planet e trajnerit të ri, Simone Inzaghi. Drejtimin e Lazio-s, edicionin e ardhshëm pritet të marrë dikush tjetër, megjithatë Berisha mbetet zgjedhja e dytë në portë, edhe pse ka bërë paraqitje mjaft të mira.

Ende nuk dihet destinacioni i portierit prishtinas, megjithatë kjo pritet të ndodhë, pas përfundimit të Kampionatit Evropian. Berisha ishte njëri ndër më të merituarit për kualifikimin e Shqipërisë në “Francë 2016”. (Kosova Sot)