Agushi: PDK u dënua nga qytetarët e Gjilanit

Gjilan – Isa Agushi nga LDK-ja duke folur për raportin financiar tha se PDK është dënuar nga qytetarët e Gjilanit sepse nuk ka punuar. Edhe ne mund të dënohemi nëse nuk punojmë, por Raporti financiar është shumë i mirë sepse 94% të buxhetit është realizuar dhe kjo tregon se është punuar.”Nëse dikush po thirret në parregullsi e keqëmenaxhim atëherë rastet duhet të deponohen në Prokurori. Unë jam me opozitën nëse ata denoncojnë me argumente dhe do i përkrah ata. Nëse dikush ka një argument që një zyrtar e ka keqpërdorur buxhetin do vijë me juve në prokurori, por këtu nuk ka fakte, s`ka argumente” tha Agushi.

Agushi tha se investimet kapitale janë premtuese dhe do të ketë lam të madhe të punës dhe të investimeve këtë vit. “Po dëgjojë që vetëm akuza të pabaza po plasohen këtu dhe kjo nuk është mirë të fryhet e të shtrembërohet. Ne po punojmë dhe jemi ende herët dhe jemi ende në pushtet” tha Agushi.

Edhe, Selami Xhemajli nga AAK tha se raporti financiar është i detajuar dhe në mënyrë profesionale i përgatitur.

Kurse Riad Rashiti tha se kemi keqëmenaxhim financiar sepse i kanë mbetur para kesh komunës. “Dieta buxhetore e Lutës përfundon në luksin e tij nëpër hotele. Nuk jemi kundër shpenzimeve të kryetarit, por shqetësuese është mënyra dhe forma që kryetari po mundohet ta mashtrojë qytetarin e Gjilanit. Nuk ka nevojë të mohojë asgjë kryetari sepse raporti ka shumë të meta” tha Rashiti./rajonipress/